B1 – Kantua: Xabier Lete, Jean Baptiste Elizanburu, Ikusten duzu goizean

Jean Baptiste Elizanburu Irazabal (Sara, Lapurdi, 1828ko agorrilaren 14a – 1891ko
urtarrilaren 2a) euskal idazlea zen. Labaien eta Sarasola literatura kritikarien ustez, XIX. mendeko euskal poetarik handiena zen, umoretik tristurara aise iragaten zekiena.
Olerkiez gain, eleberri labur bat ere idatzi zuen, Piarres Adame izenburukoa, Pauen argitaratua 1888an.

Xabier Lete Bergaretxe (Oiartzun, Gipuzkoa, 1944ko apirilaren 5a – Donostia, Gipuzkoa, 2010eko abenduaren 4a) euskal idazlea, poeta, kantaria eta politikaria zen.
Abesti ezagun anitz idatzi ditu, hala nola Xalbadorren heriotzean (“Adiskide bat bazen orotan bihozbera…”), Nafarroa arragoa, Errota zaharra (“Errota zahar maitea, uraren ertzean…”), Izarren hautsa (“Izarren hautsa egun batean bilakatu zen bizigai…”), edo Gizon arruntaren koplak (“Kantatzera noazu bertso bat edo bi, herenegun jarriak gizon arruntari…”).