A2 – Piarres Larzabalen biografia

Piarres Larzabal (Azkaine, 1915 – Ziburu, 1988) antzerkigile eta idazlea zen. “Kostatarra”, “Aldaiko”, “Goratik”, “Haritzgain” izenpetzen zituen bere lanak.
Ikasketak Hazparnen, Uztaritzen eta Baionan egin ondoan, apaiz bilakatu zen 1939an, eta Hazparneko bikario izendatu zuten. Bigarren Mundu Gerla garaian, Alemanian, Polonian eta Txekoslovakian egon zen preso. Hazparnera itzuli zen eta nazien aurkako erresistentzian parte hartu zuen. Garai hartan hasi zen idazten Eskualduna, Herria, Gure Herria, Enbata, Othoizlari eta Aintzina aldizkarietan. 1951n Sokoako parrokiara bidali zuten. Euskaltzain oso izendatu zuten 1963an.
Oso idazle emankorra izan da. Ehun antzerkitik gora (Hiru ziren, Bordaxuri, Mugari tiro, etab.) eta beste hainbeste ipuin idatzi zituen. Piarres Xarritonek lau liburutan bildu ditu haren idazlan gehienak, eta 1991tik goiti argitaratu dira.