B1 – Emozioen kudeaketa

Emozioen kudeatzea urratsez urrats

Emozioen kudeatzeko, garrantzitsua da lagungarri izan daitezkeen estrategien eta tekniken kontuan hartzea.

Horra urrats batzuk:

• Ezagut eta onar itzazu zure emozioak: zure emozioei buru egiteko lehen urratsa emozioez jabetzea eta zure esperientziaren parte gisa onartzea da. Ez itzazu zure sentimenduak ontzat edo txartzat jo, diren bezala onar itzazu, besterik gabe.

• Identifika ezazu arrazoia: identifika itzazu zure emozioen kausa edo eragilea. Galde zeure buruari zer egoerak, pentsamenduk eta gertaerak sentiarazten zaituzten modu jakin batean. Horrek lagunduko zaitu zure emozioen hobeto ulertzen eta emozioei buru egiteko neurriak hartzen.

• Autoerregulazio emozionala praktika ezazu: zure emozioak identifikatu ondoan, zure emozioen erregulatzen trebatzen ahal zara. Horretarako, emozioen adierazteko eta komunikatzeko modu osasungarriak aurkitu behar dira. Teknika hauek erabil ditzakezu: arnasketa sakona, meditazioa, soinketa, idaztea eta konfiantzazko norbaitekin hitz egitea.

• Alda itzazu zure pentsamenduak: gure emozioek askotan eragina badute gure pentsamendu eta sinesmenetan. Horregatik saia zaitez pentsamendu errealistagoak eta positiboagoak izaten.

• Galda ezazu laguntza: ez izan beldur lagunei laguntza eskatzeko inguruko helduei edo osasun mentaleko profesionalei . Gure sentimenduak eta kezkak konfiantzazko norbaiti aipatzea oso baliagarria izan daiteke gure emozioen kudeatzeko. Gogoana txiki ezazu emozioen kontrolatzeak ez duela erran nahi emozioak zapaltzea edo ukatzea, baizik eta emozioekin modu osasungarrian bizitzen ikastea. Har denbora zuretzat eta erabil estresa kudeatzeko teknikak, oreka emozionalaren atxikitzeko.

Txikipedia webgunetik

(Ikasek moldatua)