B1 – Zenbat galdera!

Zer da «ihauteri sasoia»?
Ihauteri sasoia edo ihauteriak errege egunetik (urtarrilaren 6an) garizuma hastapena arte luzatzen den aldia da. Garizuma aitzineko azken zazpi egunak «gizen egunak» deitzen dira. Ondorioz, ihauteri sasoiko azken eguna astearte ihauteri da. «Gizen egunetan» anitz jateko ohitura zen, baita manera araugabean¹ besta egiteko ere. Ordena soziala zangoz gora ematen zen eta trufa nagusitzen zen.

Noiz da astearte ihauteri² edo astearte gizen?
Astearte ihauteriko data urtero aldatzen da. Dena dela, astearte ihauteri otsail erditsuaren eta martxo erditsuaren artean gertatzen da. Orduan ihauteri sasoia bukatzen da eta gero, garizuma dator.

Zer da garizuma?
Gizen egunen ondotik garizuma hasten da. Garizuma giristinoen aldi bat da, Pazkorako prestakizun gisa, eta 40 egun irauten du. Garizuman mehe jan behar da, erlijio katolikoaren aginduaren errespetatzeko, ihauteri sasoian ez bezala.

Euskara 5
Ikas

1 Araugabe: sans contrôle
2 Astearte ihauteri: Mardi Gras